Vizêr da nata merkezê bajarî yê Serêkanîyê de pêrodayîşêko şîdeetin esto. Seba xelisnayîşê sivîlanê ke ke Serêkanîyê de binê gulevaranî de yî, vengê awankerdişê korîdorê cuye ame kerdene
Hêrişê dagirkerîye yê dewleta tirkî û çeteyanê girêdayeyê aye yê vera vakur û rojhelatê Sûrîye roja 9ine de dewam kenî. Ame zanayene ke Serêkanîyê hetê grûbanê dagirkeran ra girîyayo çember û cuya sivîlan tehuke de ya. Şarê Serêkanîyê da zanayene ke beno ke gamêk aver qetlîyamêko gird bivirazîyo û cereyan, awe û heme lazimîyê cuye yê înan ameyî astengkerdene.
Endamê Awankerdişî yê Rayraberdene yê Tevgerê Komelê Demokratîke (TEV-DEM) Aldar Xelîlî derheqê bebeta girîyayîşê çemberî yê Serêkanîyê de eşkerayîyêke da. Xelîlî eşkerayîye de da zanayene ke ganî bihawayo lezûbez seba xelisnayîşê sivîlê Serêkanîyê korîdorê merdimîye yê cuye bêro awankerdene.
Bajar de pêrodayîşê şîdetin dewam kenî. SERÊKANIYÊ
