Hevseroka Pêroyî ya DBPyî Sebahat Tuncel û parlamentera verên ya HDPyî Selma Irmake seba dermankerdişê sewqê nêweşxane ameybî kerdene, la badê mudaxeleya weşî erşawîyayî zîndan
Badê vengdayîşê rayberê PKKyî Abdullah Ocalanî hepsîyan grevê vêşanîye û rojeyê mergî qedîna û nêweşxaneyî rê ameyî sewqkerdene, kontrolê înan ê weşîye hewna dewam kenê. Parlamentera verênî ya Partîya Demokratîke ya Şaran (HDP) ya Colemêrgî Selma Irmake ya ke Zîndanê Kandira de yena girewtene û tewrê aye hemsereka pêroyî ya Partîya Herêmê Demokratîkî (DBP) Sebahat Tûncele 18 kesî vizêr saetanê şewe de sewqê Nêweşxaneyê Dewlete yê Seka yê Kocaelî ameybî kerdene.
Parlamenterê Partîya Demokratîke ya Şaran (HDP) yê Kocaelî û endamê Komîsyonê Heqê Merdiman Omer Faruk Gergerlîoglû derheqê rewşa weşîye ya Sebahat Tûncele û Selma Irmake de vatbî: “Rind asayo, labelê înan kîlo dayo. Ez şîya Nêweşxaneyê Dewlete yê Seka. Mi Selma û Sebahate dir pêvînayîş kerd, halê înan rind bi labelê bîbî zihîf. Zîndanê Kandira û Gebzeye ra vizêr şewe ra 13 muracatê hepsîyan pê ame. Seba ke rewşa hepsîyêk baş nêbî, ci wedarnayî beşê lezgînî. Hepsîyê Zîndanê Kandiraye wedarnayî Nêweşxaneyê Seka yê Îzmîtî. 20 hepsî nika nêweşxane de yenî tedawîkerdene.” ANQARA
