PADÊ bêdengiya hikumeta Iraqê û hikumeta Herêma Kurdistanê ya li dijî dagirkeriya dewleta tirk şermezar kir û diyar kir ku sedema dagirkeriyê bêdengiya hikumetên Iraqê û Herêma Kurdistanê ye
Têkildarî êrîş û dagirkeriyên deweleta tirk ên li ser xaka Iraq û başûrê Kurdistanê Partiya Azadî û Demokrasiya Êzidiyan (PADÊ) li bajarokê Xanesorê daxuyaniyek da.
Daxuyanî ji aliyê Serokê PADÊ Emer Salih ve hate xwendin. Di daxuyniyaniya PADÊ de êrîşên dewleta tirk bi tundî hat şermezarkirin. PADÊ di daxuyaniyê de wiha got: “Em wek Partiya Azadî û Demokrasî ya Êzidiyan êrîşên dewleta tirk ên li ser xaka Iraq û naşûrê Kurdistanê şermezar dikin. Em daxwaz ji hikûmeta Iraqê dikin di zûtirîn dem de li dijî êrîş û dagirkeriyên dewleta tirk derkeve û helwesta xwe zelal bike.”
Di daxuyaniyê de hate gotin ku bêdengiya hikûmeta Iraq û hikûmeta Herêma Kurdistan sedema sereke ya dagirkeriyê ye. Herwiha ev tişt hat gotin: “Em bêdengiya hikûmeta Kurdistan û hikûmeta Iraq weke sedema sereke ya dagirkirinê dibînin. Em naxwazin êdî bi vî awayî hikûmeta Iraqê bêdeng bimîne. Rojane Tirkiye gefan li Şengal, Mexmûr û tevayî xaka Iraqê dixwe. Ji bona wê divê rê li pêşiya van gefan were girtin. Em wek PADÊ ev zilma li gelê me tê kirin qebûl nakin û bi hemû awayî li dijî dagirkeriyê ne.” ŞENGAL
