Rojda Şekersoz dîrektoranê namdaran ê Swêdî ra ya. Rojda wexto ke 13 serre bîye sînema bala aye ancena. Rojda vana: ”Stockholm de her kes xerîb bi xoka mi xo sey xerîban hîs nêkerdêne. La wexto ke ma hêwilîya Alvdalen mi xo sey xerîb hîs kerd. Çunke uca de her kes swêdij bi. Mi uca de dinya nas kerde. Meraqê mi yê seba sîyaset û sînema uca de dest pêkerd.”
Rojda serra 16 de têna koçê Stockholmî kena û dest pê xebatanê sînema kena. Roja derheqê keyeyê kurdî de ke koçê Swêdî kerdo, fîlmêk gêna. O çax Keyeyê Kulturî yê Stockholmî pêramotişê xo yê vêrînî yê fotografan akeno ke nê fotografî Kurdîstan de girewtbî.
Şekersoze vana a par bire daye ke xebatanê xo yê sîyasîyan bi rayîrê hunerî bikera û wina dewam kena: ”Çunke huner mende yo, çin nêbeno.”
Şekersoze pare kena ke a nêzdî ra sînemaya kurdan teqîb kena û vana: ”Viraştişê fîlman zaf vay o. Îmkanê sînemaya kurdan çin ê ke fîlmê ci mîyanê fîlmanê dinya de ca bigêrê. Ganî seba naye ma profesyonel bibê. Merdimê rojawanijî (Ewropa) derheqê kurdan de xeylêk fîlman kenê. Ez her çiqas seba swêdij û rojawanijan fîlman zî bikera xo sey parçeyêkê sînemaya kurdan vînena.”
Şekersoze wazena ke derheqê Kurdîstanî de fîlmêk viraza û vana: ”Nika cigêrayîş kena, senaryo nusena. Babeta fîlmî cinîyêka kurd a ke Swêd de ciwîyena û seba têkoşînî wazena Swêdî ra şora Vakurê Kurdîstanî.” STOCKHOLM
