Temsîlkara Sereka Pêroyî ya EMEPî Selma Gurkane, derheqê hêrişê bi çekê kîmyewî de eşkerayîyêka nuşteyî da.
Gurkane reaksîyon nîşanê îqtîdarîye da û dîyar kerde ke herinda ke cigêrayîşê şixulnayîşê çekanê kîmyewîyan bêro kerdiş, tehdît yeno kerdiş. Selmaye daye zanayene ke Serekkomarê Tirkî Tayyîp Erdogan herinda ke derheqê îdîayan de cigêrayîş bido destpêkerdiş Şebnem Korur Fîncanciye tehdît keno û kesanê ke şixulnayîşê çekanê kîmyewîyen dekenê rojeve tehdît keno û vat: “La hemverê nê îdîayan de çîyo ferz dîyar o. Ganî heyetêk xoser cigêrayîş bikero. Netîceyê cigêrayîşî zî rayaumûmîye reyde pare bikero û cewab bido persanê derheqê na babete. Şixulnayîşê ‘çekanê kîmyewî’ goreyê pêkerdişê huqûqê mîyannteweyî û dewletan sucêko giran o”
Gurkane reyna vate ke ganî heyetêko xoser derheqê şixulnayîşê çekanê kîmyewîyan de cigêrayîş bikero û netîceyê ci zî rayaumûmîye reyde pare bikero. STENBOL
