Zîlane (Zeynep Kinaci) bi çalakîya xo ya vera komplokarîya mîyanneteweyîye ya teşebusê suyîqestî yê 6ê gulan a 1996î yê vera Ocalanî û vera operasyonanê îmhakerdişî yê dişmenî yê vera gerîlayan tarîx nûşt.
Zeynep Kinaci (Zîlan) 10ê tebaxa 1971î de dewa Elmali ya Meletî de ameye dinya. 7 way û birayî. Ê tewr şenike Zîlane bî. Zîlane Unîversîteya Meletî ya Înonî de Beşê Rayberî û Şêwirmendîya Psîkolojîke wende û dima ra Nêweşxaneyê Dewlete yê Meletî de sey teknîsyeya rontgenî xebetîyaye. Birayê Zîlane roportajêk xo de persê ‘Zîlane kesêk senî bî?’ rê cewabêk wina dano: “Zaf bi aqile bî. Qet egoyêk aye çin bî. Dormeyê xo rê zaf hîssine bî. Her çiqas ke domana şenik ya keye biba zî sey pîlê keyeyî têgêrayêne.”
Zîlane wexto ke unîversîte wanena eleqeya aye sîyasetî rê virazîyena. Zîlane 1994î de Edene de 1 serre xebatanê sîyasî rayîr bena û 1995î de Dêrsim de tewrê safanê gerîllayan bena. Sebebo tewr gird ê tewbîyayîşê gerîllatîya Zîlane oyo ke merdimêk aye 1993î de qezaya Sasonî ya Elihî de hetê qorîcîyan ra yeno qetilkerdene û ê nêeşkenî cenazeya merdimê xo bigîrê. Hetê merdim û dormeyê aye ra yeno zanayene ke no hedîse de Zîlane ronişta û xeylê bermaya. Dima ra zî qerarê tewrbîyayîşê gerîllatî daya.
Serra 1996î de dewleta tirke topyekun hêrişê kurdan kerdêne. Heme polîtîkayê îmha û înkarî dewrê di bî û operasyonê leşkerî û sîyasî ameyêne kerdene. 6ê gulane 1996î de ekîbê Tansu Çîler û Dogan Guneşî semedê îmhakerdişê Rayberê PKKyî Abdullah Ocalanî komployêk viste dewre. Hedef sere de Ocalan îmhakerdişê têgêrayîşê azadîye yê kurdan bi. Zîlana ke bi zanayîşê berpirsîyarîya tarîxî nizîdîyê reşwe bîye seba ke mesajê aya bireso cayê ci Dêrsim sey cayê çalakî vîjna ke raştê qirkerdişan ameyo la tim sereberz û xoverdayox o.
30ê hazîrana 1996î de Zîlane Dêrsim de bedenê xo kerde bomba û mîyanê leşkeran de teqna. Bi çalakîya xo ya fedaîye dewrêko newe da destpêkerdene û bîye sembolê xoverdayîşê cinîyan ê kurdan.
