Rojnamegere Ayşe Kara çarçewaya cipersayîşê Kongreya Komela Demokratîke (KCD) de yena muhakemekerdiş. Bi îdiayê ke Kara, “endama rêxistine ya” dewa ci rê ameya akerdiş û 5ine Dadgeha Cezaya Giran ya Amedî de yena muhakemekerdiş. Dozgerê Komare ke dosyaya Kara ewnîyeno, mutalayê xo amade kerd û pêşkêşê dadgehe kerd. Dozgerî wazeno ke Ayşe heta 15 serran bêro cezakerdiş. Dozgerî îdia keno ke Kara mîyanê xebatê KCDyî de ca girewta û çarçewaya xebatê “rêxistine” de kar kerda. Dozgerî îdia keno ke Ayşe “sûcê rêxistinî” kerda. Dozgerî endamîya Ayşe Kara ya Cemîyetê Rojnamegeran ê Azad (OGC) zî sey sûcî dî.
15 serrî ceza yena waştiş
Dozgerî bi îdiayê “endamîya rêxistine” waşt Kara 7 serrî û nîm ra heta 15 serrî bi cezaya zîndanî bêro cezakerdiş. Roniştişê dewaya ke derheqê Ayşe de ameyo akerdiş do 9ê teşrîna peyêne de 5. Dadgeha Cezaya Giran ya Amedî de bêro kerdiş. AMED
