Rêxistina Partîya Demokratîke ya Şaran (HDP) ya Çewlîgî semedê vîrardişê qetlîyamê Helepçe ke 19ê adara 1988î hetê Saddam Huseyînî ra ame viraştene de û qetlîyamê Gazî ke 12ê adara 1995î de Stenbol de ame viraştene panelêk viraşt û panel de ame vatene ke vera hende hêrişan reyna zî şar fek xoverdayîşî ra vera nêda. Hemserekê Bajarî yê Dêrsimî Îbrahîm Kasun û Hemserekê Bajarî yê Çewlîgî Veysel Kaya sey qiseykerdox tewrê panele bîyî.
Heto bîn de semedê Newroze zî vendayîşê tewrbîyayîşî ame kerdene. Kaya da zanayene ke Newroza Çewlîgî do 20ê adare de saet 11.00î de Cadeya Weşîye de bêra pîrozkerdene. ÇEWLÎG
