Avûkatanê Hemsereka Pêroyî ya Partîya Demokratîke ya Şaran (HDP) ya verêne Fîgen Yuksekdage qerarê Mehkemeya Heqê Merdiman ya Ewropa (MHME) yê derheqê Hemserekê Pêroyî yê HDPyî yo verênî Selahattîn Demîrtaşî sey emsalî ramojna û 16. Mehkemeya Cezaya Girane ya Anaqar ê muracatê tehlîyekerdişî kerd.
Waştişnameyê avûkatan de ame vatene ke seba ke Tirkîya perçeyêke Pêkerdişê Heqê Merdiman ya Ewropa ya ganî qerarê MHME bîyare ca. Avûkatan vat ê çarçewa qerarê Daîreyê Pîlî yê MHME de wazenê ke wa muwekîla înan cade bêro veradayene.
