Şengal de ke çeteyanê DAIŞî ûca qirkerdiş bica ardibi, dimayê çend serran ra gorêko bîn o pêser ame diyene
Dewa Koço yê Şengalî de 16’ê Adare de bi hawayêkê fermîyî bi paştdayîşê hukmatê Iraqî, Organîzasyonê Neteweyê Yewbîyayeyî (NY) û bi hadrebîyayîşê bi seyan Êzidîyan xebata akerdişê gorê pêserî hetê Ekîpê Akerdişê Gorê Pêserî ra amî destpêkerdene. Bi nê amacî ewro Ekîpê Akerdişê Gorê Pêserî dest bi akerdişê gorê dîyinî kerd.
Ercêno ke merdim bîyaro vîrî gorê yewinî ra meyîtê 28 kesan ameybî vetene. Heme meyîtê ke gorî ra ameybî vetene seba testê DNAye ameybî şirawitene bi Tibê Edlî yê Bexdayî. Seba ke bêrê naskerdene, verî merdimanê kesanê ke bîyê vîndî ra nimûneyê gonîya înan ameybî girewtene. Dewa Koço yê Şengalî de heta nika 9 gorê pêserî ameybî tespîtkerdene.ŞENGAL
