PDK bi hevkariya Iraqê hewl dide di bin navê hilbijartinê de peymana 9’ê Cotmehê ya Bexda-Hewlêrê li ser Şengalê ferz bike. Tevî hemû nerazîbûnên gelê Şengalê jî PDK dixwaze hêzên çekdarî derbasê nava Şengalê bike û baregehên xwe li herêmê veke.
Li gorî agahiyên Rêveberiya Xweser PDK hêzeke zêde li nêzê Şengalê kom kiriye û dixwaze careke din hewl bide bikeve Şengalê. Rêveberiya Xweser û TAJÊ şevê din bi daxuyaniyên lezgîn bang li gel kirin da ku careke din planên PDK’ê yên ji holê rakirina Rêveberiya Xweser têk bibin.
Gelê Şengalê mîna hewldana 2’yê cotmehê îro jî li ser banga Rêveberiya Xweser û TAJÊ li meclisên gel û noqteyên asayîşê kom bûn.
Di van kêliyan de li gel kombûna li meclisên gel, hejmareke diyar a gel li noqteya asayîşê ya Komelgeha Guhbel û li ser rêya Tirbika ya navbera Sinûnê û Rabîayê de kom bûne û xwe ji bo parastina Şengalê kirine mertal. ŞENGAL
