Şêniyên Girê Spî li dijî kiryarên dermirovî yên dewleta tirk û komên çete yên girêdayî wê daketin qadê û çalakî li dar xist
Bertekên gelê herêmên ku ji aliyê hêzên artêşa tirk a dagirker û çeteyên wê ve hatine dagirkirin ên li dijî hêzên dagirker didomin. Di vê çarçoveyê de şêniyên kantona Girê Spî li ber avahiya şaredariyê kom bûn û çalakiya protestoyî li dar xist.
Hat zanîn ku di çalakiyê de welatiyan bi taybetî xwestin ku kujerên sivîlê bi navê Omar Hisên Hecî radestî wan bên kirin û koma çete ya Feylaq El Mecîd a ser bi rejîma Enqereyê ji bajêr bê derxistin.
Hêjayî bibîrxistinê ye ku di roja çarşemê de jî li navçeya Silûk a Girê Spî welatiyên herêmê daketibûn qadê û bertek nîşanî hêzên dagirker dabûn. GIRÊ SPÎ
