Şênî li deriyên ketina bajar û navçeyên kantonên Hesekê û Qamişlo yên herêma Cizîrê kom bûn, da ku berê xwe bidin bajarê Qamişlo û beşdarî xwepêşandana navendî bibin. Xwepêşandan dê bi dirûşma “Bi îradeya gelan û gerîla em ê çekên kîmyewî, dagirkerî û xiyanetê têk bibin” tê lidarxistin.
Pêkhateyên ji navçe û bajarokên kantona Qamişlo (Dêrik, Rimêlan, Girkê Legê, Tirbespiyê, Çilaxa, Til Koçer, Til Birak, Til Hemîs, Amûdê û Qamişlo) û ji navçe û bajarokên kantona Hesekê (Şedadê, Hol, Til Temir, Dirbêsiyê, Zirgan, Hesekê) dê beşdarî xwepêşandanê bibin.
Tê payîn ku xwepêşandêr li bajarê Qamişlo ji sê basikan dest bi xwepêşandanê bikin; ji çarxerêya taxa Siyahî, Nexweşxaneya Ferman û Mizgefta Qasimo ya li taxa Xerbî û ber bi Yarîgeha Şehîdên 12`ê Adarê ya li navarasta bajêr ve bimeşin ku li wir xwepêşandana navendî tê lidarxistin.
