Şêniyên gundên li ser sînor ên rojhilatê bajarê Kobanê dewriyeya hevbeş a polîsên Rûsya û artêşa dewleta tirk a dagirker bi zebzeyên xirabbûyî, hêk û şekalan pêşwaz kir
Îro yekemîn dewriyeya hevbeş a di navbera polîsên leşkerî yên Rûsya û artêşa dewleta Tirk a dagirker de li ser sînor kantona Kobanê pêk hat.
Dewriye di saet 11:00 nîvro de ji gundê Merc Îsmaîl (Mars Mîlê) ku 7 km dikeve rojhilatê bajarê Kobanê dest pê kir û li ger gundên sînor ên rojhilatê Kobanê geriyan.
Dema ku dewriye gihişt gundê Qere Mox (nêzî 16 km dikeve rojhilatê Kobanê) şêniyan bi rêbaza xwe ya taybet dewriye pêşwaz kirin. Bi dehan şêniyên gund dema ku dewriye gihişt gund, kevir, şekal, hêk, zebzeyên xirabbûyî û çop avêtin wan.
Hinek jî rê bi keviran li pêşiya dewriyeyê girt da ku derbas nebe.
Yekî jî li ser kevirekî mezin ê li nêzî rê nivîsa ‘Erdoganê Sûcdar e’ nivîsand. KOBANÊ
