Bi hezaran şêniyên Qamişlo, ji qada Şehîd Xebat berê xwe dan mala malbata Gulo ya li taxa Hilêliyê ku duh di encama êrîşa dewleta tirk de 3 ji welatparêzên heman malbatê şehîd bûn. Xelkê Qamişloyê bi hêrseke mezin li ber êrîşkarî û qirkeriya dewleta tirk rabû.
Girseya gel wêneyên Yûsif Gulo, herdu neviyên wî Mazlûm û Mihemed Gulo hilda ku di êrîşa duh a li taxa Hilêliyê de şehîd bûn.
Di xwepêşandanê de wêneyekî mezin ê Rêberê Gelê Kurd Abdullah Ocalan, alên Meclisa Malbatên Şehîdan, Kongreya Star û PYD’ê hatin hildan û dirûşma ‘Şehîd namirin’ hat qîrîn.
Di dawiya meşê de ku bi dirûşma ‘Em ê heta dawiyê xwedî li şerê gel ê şoreşgerî derkevin’ pêk hat, daxuyaniyek hat dayîn.
Di daxuyaniyê de li dijî her cûre gef û êrîşên dewleta tirk a dagirker helwest û biryardariya têkoşînê hat nîşandan.
Girseya gel piştî çalakiyê berê xwe da konê sersaxiyê. QAMIŞLO
