Hemleya ‘Abdullah Ocalanî rê Azadîye, Meseleya Kurdan rê Çareserîya Sîyasîye’ bena pîlêr. Akademîsyena Fakulteya Edalet û Huqûqî ya UNSWyê Sidneyî Dr. Vickiye Sentas bi mesajêkî tewra hemle bîye û venga komelê mîyanneteweyîyî da.
Mesajê Akademîsyena Fakulteya Edalet û Huqûqî ya UNSWyî Dr. Vickiye Sentas wina yo:
”Lîderê têgêrayîşê kurdan Abdullah Ocalan 25 serrî yo yeno esîrkerdene. O binê tecrîdî de bi hawayêkê îlegalî tepişîyeno. Hîrê serrî yo Abdullah Ocalanî ra xeberêke zî nêna girewtene.
Seba ke destûr bêro dayene ke Birêz Ocalan bieşko keye û avûkatanê xo bivîno ez veng dana. Seba ke Birêz Ocalan bieşko meseleya kurdan de seba çareserîye rolê xo bîyaro ca ganî azad bibo. Fikrê Konfederalîzmê Demokratîkî yê Ocalanî Rojawanê Kurdîstanî de serkêşîya cuyêka newîye kenê û femînîzm teşwîq kenê.
Kerdişê vera Abdullah Ocalanî binpaykerdişê heqan, îşkence û teda yê ke vera şarê kurdî zî yenê caardene. Bi hezaran kurdî seba ke bi ziwanê xo qisey kenê, wayîrê nasnameyê xo vejîyenê binê nameyê terorîzmî de yenê sûcdarkerdene. No zî seba ke PKK lîsteya terorî de yeno cakerdene qewimîyeno. Komelo mîyanneteweyî seba ke tecrîdê Îmraliyî wedarîyo û PKK lîsteya terorî ra bêro vetene cade têbigêro.” SYDNEY
