El Selbîyo ke Bagdadî ra dima bi serekê newe yê DAIŞî yo Dîlok û Anqara de binê kontrolê MÎTî de newe ra DAIŞ rêxistin keno û amadekarîyan keno ke Iraq de cepheyêkê neweyî abikero.
Derheqê têkilîyanê DAIŞî û Tirkîya de heta nika zaf dokumentî ameyî weşanayene labelê eşkera beno ke DAIŞ Bagdadî ra dima bi temamî kewt binê kontrolê Tirkîya. Goreyê zanayîşan serçeteyo newe yê DAIŞî Emîr Muhammed Abdurrahman El Mevla El Selbî Tirkîya de yo. El Selbî binê kontrolê MÎTî de Dîlok û Anqara de kar keno û DAIŞ newe ra rêxistin keno.
Selbî serra 2017î de Îdlîbî ra derbazê Tirkîya bi. El Selbî nêzdîyê serrêke Tirkîya ra nêvejîya. Dîlok û Anqara de qerargehê ci estê. Bi giranî Dîlok de maneno. Binê kotrolê DAIŞî de endamanê DAIŞî û cerganê neweyan rêxistin keno.
Kombîyayîşê 15ê Teşrîna Peyêne yê Dîlokî
Selbîyî Dîlok de 15ê teşrîna peyêna 2019î de 13 payeberzanê DAIŞî yê Tirkîya, Iraq, Sûrîye reyde kombîyayîşêk kerd. No kombîyayîş binê kotrolê MÎTî de ame kerdene. Birê ke kombîyayîş de ameyî girewtene wina yê:
* Plan ame kerdene ke Sûrîye de hucreyê cerganê ke Tirkîya de awan bîyî û hucreyê nimiteyî yê DAIŞî do vera HSDyî, hêzanê demokratîka û sivîlan hêrişê xo dewam bikerê û hêrişê rejîmî zî bikerê.
Tirkîya reyde operasyono hempar
El Selbîyî û MÎTî pêkerd ke endamê DAIŞî yê ke fayde nêkenê yan zî DAIŞ cîya bikerê bi rayîrê polîsanê tirkan bêrê tepiştene. Mîsal Mudirîyetê Pêroyî yê Asayîşî peynîya teşrîna verêna 2019î de bi nameyê ”vera DAIŞî 21 şaristanan de 21 operasyonî” operasyonêk kerd û netîce de 100 DAIŞijî ameyî tepiştene. No operasyon planê El Selbîyî û MÎTî bi. Bi nê hawayî hem Selbîyî tîmê xo serdest kerd hem zî Tirkîya meydanê mîyanneteweyî de îdîa kena ke ‘a vera DAIŞî têkoşîn kena.’
Ebû Zeyd Iraqij (Îsmaîl Îthavî) zî menga sibata 2018î de bi nê hawayî ame tepiştene û teslîmê Iraqî ame kerdene.
Birayê ci cepheyê tirkmenan de yo
Mûhammed Abdul Rahman El Mevla El Selbî (Haci Abdullah Abdullah Kardaş) o ke bi nameyê
Ebû Îbrahîm Haşimî El Qûreyşî ame namekerdene Til Eferî ra tirkmenêk o. Birayê El Selbî Adîl Selvî ceyheyê tirkmenanê Iraqî de Tirkîya de xebitîyeno. QAMIŞLO
