Bi serkêşîya Tevgerê Cinîyanê Azadan (TJA) û Komeleya Kesê Merdimê Xo Vînî Kerdê yê Anadoluyî (ANYAKAYDER) Îzmîrî, serdayîşê keyeyê Gulnaz Karataş (Bêrîtan) a ke raşteyê Xakûrke yê Kurdistanî de dinyaya xo bedelnaye, ame kerdiş. Hemsereka ANYAKAYDERî Rahime Turane serdayîş de qisey kerd. Rahîme dîyar kerd ke Gulnaz Karataş semedê cinîyanê kurdan sembola serewedaritişî ya. Dadîya Gulnaze Yemoş Karataş zî wina vat: “Ne mi vengê aye eşnawit, ne zî mi cenazeya aye dî. Zaf zor o. La ma şima ra fek vera nêda û ma şima xo vîr ra nêkenê. Ma û şima têduşt ê, ma şima ra hes kenê.” ÎZMÎR
