Serlêdana malbata Rêberê Gelê Kurd Abdullah Ocalan û malbatên girtiyên din ên li Îmraliyê ya ji bo hevdîtinê, ji hêla Serdozgeriya Komarê ya Bursayê ve hatin redkirin
Malbata Rêberê Gelê Kurd Abdullah Ocalan û girtiyên din ên li Girtîgeha Tîpa F ya Bi Ewlehiya Bilind a Îmraliyê ji bo biçin Îmraliyê û bi xizmên xwe re hevdîtinê bikin, duh serî li Serdozgeriya Komarê ya Bursayê dan.
Serdozgeriya Komarê ya Bursayê serlêdana birayê Ocalan, Mehmet Ocalan û vasiyê wî Mazlum Dînç û serlêdanên birayê Omer Hayrî Konar, Emîn Konar, birayê Hamîlî Yildirim, Polat Yildirim û xwişka Veysî Aktaş, Melîhe Çetîn û keça wê Eylem Çetin red kir.
Girtiyên siyasî Omer Hayrî Konar û Veysî Aktaş ji roja 15’ê adara sala 2015’an ku weke ‘sekreterya’ biribûn Îmraliyê û Hamîlî Yildirim jî ji 15’ê tîrmeha sala 2015’an heta niha tenê di 5’ê hezîran û di 12’ê tebaxa sala 2019’an de karîn bi malbatên xwe re hevdîtinê bikin.
Girtiyan piştî wê demê tenê di 5’ê Hezîran û 12’ê Tebaxa 2019’an de çûn Îmraliyê û wekî din hemû serlêdanên wan hatine redkirin. STENBOL
