Dima ke 7ê teşrîna verêne de Hamasî hêrişê Îsraîlî kerdbi mabênê Hamas û Îsraîlî de şer vejîya. Bîlançoya şerê mabênê Îsraîl û Hamasî bena giranêr. Îsraîlî pare kerd ke înan kontrolê bajarekanê Gazze reyna visto destî.
Goreyê bîlançoya ke hetê Tel Avîvî ra weşanîyaya netîceya hêrişê bi roketan û milîtananê çekdaran de Îsraîlî ra tewr tay 900 kesî kişîyayê û 2 hezar û 2016 kesî zî birîndar bîyê.
Gazze de zî bombardumanê Îsraîlî de tewr tay 700 filîstînijan dinyaya xo bedilnaye û 3 hezar û 727 kesî zî birîndar bîyê.
Artêşa Îsraîlî serê sibayî eşkerayîyêke daye û dîyar kerd ke roja şemeyî ra nata Îsraîl de cenazayê 1500 şerwananê Hamasî ameyê dîyene.
Serekwezîrê Îsraîlî Bunyamîn Netanyahuyî gef wendbi ke vera Şerîdê Gazze ê do ‘hêrişêko ke heta nika nêameyo dîyene’ bikerê. Artêşa Îsraîlî 300 hezar leşkerê xo seferber kerdî.
Hamasî zî sey cewabdayîşê bombardumanan gef wend ke ê do esîran înfaz bikerê. Hamasî vat: ”Eke bê hîşyarkerdişî hêrişê şarê ma bêro kerdene, no do bibo sebebê înfazkerdişê esîran.”
Roja dişemeyî bombardumanê Îsrîlî yê vera Rojawanî de hîrê endamê Hîzbullahî kişîyayî. Hîzbullahî zî di baregehê Îsraîlî dayî bombayan ver. Washingtonî Hîzbullah hişyar kerd ke wa vera Îsraîlî cepheyê dîyînî nêvirazo.
Hetê bînî ra dîya zanayene ke îstîxbaratê Misirî çend rojî verî Netanyahu hişyar kerdo ke Şerîdê Gazze binê gefî de yo.
