VEDAŞ tewrê qorîcîyananê bimaskeyan eşt dewa Kampa Şûkeyî ya Geverî ser. Netîceyê sereştişê keyeyî de cinîya bi nameyê Fahrîye Gurbuze krîzê zerrî vîyarna û wefat kerde
Ewro hetê serê sibayî de Şîrketê Vilakerdişê Elektrîkî yê Gola Wanî (VEDAŞ) tewrê qorîcîyananê bimaskeyan eşt dewa Kampa Şûkeyî ya Geverî ya Colemêrgî ser. Netîceyê sereştişê keyeyî de cinîya bi nameyê Fahrîye Gurbuza 45 serrî krîzê zerrî vîyarna û wefat kerde.
Goreyê xeberanê ke ameyî girewtene ewro hetê serê sibayî saet 05.30î de VEDAŞ bi îdîaya cereyanê qaçax yeno xebetnayene tewrê qorîcîyananê bimaskeyan eşt dewe ser.
Ame zanayene ke cenazeya Gurbuze erşawîyaya morgê Nêweşxaneyê Dewlete yê Geverîû badê karê otopsî cenazeya Gurbuze Goristanê Kampa Şûkeyî de ameya definkerdene.
Ame vatene ke seba ke leşker û qorîcîyî maskeyin bî Gubuze krîz ravêrnaya û cuya xo vindî kerda. COLEMÊRG
