Endamê Komîteya Merkezî ya PKKyî Cemal Şerîkî derheqê komplo û tecrîdê vera Rayberê Şarê Kurdî Abdullah Ocalanî de ANFyî rê qisey kerd.
Qiseykerdişê Şerîkî ra tay noqtayê girîngî wina yê:
”Tecrîd newekerdişê komployî yo. Sere de dewleta tirke pêro hêzê mîyanneteweyîyî mîyanê komployî de cagênê. Seba ke fikrê Rayber Apoyî Kurdîstanî rê tesîr nêkerê Barzanîyî zî mîyanê komployî de bîyî. Ewro nê hêzî wazenê ke tecrîd dewam bikero ke wa meseleya kurdan nêra çareserkerdene û qirkerdişê kurdan de israr kenê. Rayber Apo vano ke meseleya kurdan pê awankerdişê neteweya demokratîke çareser bena.
Kurdî eşkenê bi dînamîkanê xo neteweya demokratîke awan bikerê. Konfederalîzmo Demokratîk û Xoserîya Demokratîke zî parçeyê neteweya demokratîke yê. Rayberîye seba nînan mîyanê çar dêsan de têkoşîn kena. Eke çareserîya neteweya demokratîke nêba meseleyî do dewam bikerê.
Çareserîya meseleya kurdan pê îmhakerdiş, çinkerdiş yan zî tecrîdkerdişî nêbena. Seke Rayber Apoyî eşkera kerdbi çareserîya meseleya kurdan xeta çareserîye ya. Rayîrê şorişê Kurdîstanî asta destpêke de ey mojnabi. Hêzê modernîteya kapîtalîste seba ke paradîgmaya Rayber Apoyî ra aciz ê nêverdenê ke tecrîd biqedo. Têkoşînê Rayber Apoyî têkoşînê vera qirkerdişî yo. Rayber Apo bi xoverdayîşê xo yê Îmraliyî têkoşînê vera qirkerdişî de refanê tewr vernîyan de cagêno. Bi na wesîle ez ancî nê xoverdayîşê Rayber Apoyî selam kena.” BEHDÎNAN
