Serkan Tumayo bedlîsij o ke di serrî cezaya ci bibî û Zîndanê Kirikkale de ameyêne tepiştene aşmêke cuwa ver zîndan de hetê gardîyanan ra ame derbkerdene. Tumayo ke sere û kolê ci şikîyayî seba ke sewqê yena zîndanî bibo muracatê Serdozgerîya Komere ya Kirikkale kerd. Hema ke cewabê muracatê ci nêameyo di rojî verê cu xebere mergê ci dîyaye keyeyê ci.
Birayê Tumayî da Gokhan Tumayî zanayene ke îdareyê zîndanî vat birayê ey 17ê teşrîna verêne de merdo û vat birayê mi ame kiştene. Ma do gerreyê gardîyananê ke birayê mi derb kerd û bîyî sebebê mergê ci û îdareyê zîndanî bikerê.
Dadîya Tumayî Hasîbe Tumay zî vat: ”Verî kesanê maskerkerdeyan lajê yo çime de qefilnayo û kuwayo. Nika zî înan mirênayo. Lajê hetê îdareyê zîndanî ra ame qetilkerdene. Heme kesê ke berpirsîyarê mergê lajê min ê do hesabê naye bidê.”
