Serlêdana malbata Ocalan û malbatên 3 girtiyên li gel Ocalan girtî ne, ji aliyê Serdozgeriya Komarê ya Bursayê ve hate redkirin
Birayê Rêberê Gelê Kurd Abdullah Ocalan, Mehmet Ocalan û wasiyê wî Mazlum Dînç bi boneya hevdîtinê li Girtîgeha Îmraliyê bi Ocalan re bikin, serî li Serdozgeriya Komarê ya Bursayê dan. Lê Serdozgeriya Komarê ya Bûrsayê serledana malbata Ocalan red kir.
Malbatên Hamîlî Yildirim, Omer Hayrî Konar û Veysel Aktaş jî bi rêya parêzerên xwe serî li heman dozgeriyê dabûn. Serlêdana malbatên girtiyên din jî ji hêla serdozgeriyê ve hatibû redkirin.
Birayê Ocalan, Mehmet Ocalan ji 11’ê îlona 2016’an vir ve yekem car di 12’ê çileya îsal de hevdîtin bi birayê xwe re pêk anîbû. Her wiha ji bo rakirina tecrîda girankirî ya li ser Ocalan, bi pêşengiya hevseroka Kongreya Civaka Demokratîk (KCD) û parlamentera HDP’ê ya Amedê Leyla Guven, çalakiya greva birçîbûnê ya bêdem û bêdorvege hatibû destpêkirin. Çalakî kete roja 129’an. Di heman demê de li girtîgehên bakurê Kurdistanê û Tirkiyeyê, li he çar parçeyên Kurdistanê û derveyî welat bi hezaran çalakvan bi heman daxwazê di greva birçîbûnê de ne. Rewşa gelek çalakvan di asta krîtîk de ye. STENBOL
