Îsal jî ji bo bîranîna helbestvan Arjen Arî 8’emîn Pêşbirka Helbestan tê lidarxistin. Pêşbirk ji hêla malbata Arjen Arî û Weşanên Sor ve tê lidarxistin. Serlêdanên pêşbirkê dest pê kir. Malbatê û Weşanên Sor ji ber pandemiyê bi metnekê destpêkirina pêşbirkê belav kirin.
Şert û mercên beşdarbûna vê pêşbirkê ku dixwaze berhemên wêjeyî yên giranbuha diyarî weşangeriya kurdî bike û wan raberî girseyeke mezin a xwîneran bike wiha ne:
* Xelat dê bo berhemên bi zaravayê kurmancî hatî nivîsandin bê dayîn.
* Weke xelata pêşbirkê berhema ku bi ser bikeve dê ji hêla Weşanên Sor ve bê çapkirin.
* Malbata Arjen Arî û Weşanên Sor dê bi hev re kesekî/ê ku ji bo parastin û pêşvebirina ziman û edebiyata kurdî kar û xebat kiriye hilbijêrin û “xelata giramgiriyê/xelata rûmetê” bidinê
* Her kesê ku heta niha berhemeke wî/wê ya helbestê nehatibe çapkirin dikare serî lê bide.
* Berhemên ku ji hêla saziyek ve hatibin xelatkirin an di pêşbirkekê de xelat wergirtibin nikarin beşdarî pêşbirkê bibin.
* Berhemên ku beşdarî pêşbirkê bibin divê bi alfabeya latînî hatibin nivîsandin.
* Mafê lijneyê heye ku di dema çapkirinê de li ser berhema ku xelat wergirtiye guhertinan bike.
* Heke jurî tu dosyeyê hêjayî xelatê nebîne dikare xelat nede.
* Dosyeyên ku ji bo pêşbirkê bêne rêkirin divê di qabareya(hacm) pirtûkê de, 64 rûpel (4 form) bin.
* Dosye divê di formata A4 de, 5(pênc) nusxe bêne şandin.
* Divê dosyaya ku bi kompîturê hatibe dîzaynkirin û li USByek were barkirin û ev USB di nav dosyeya serlêdanê de cî bigire.
* Dosyeyên ku bi kompîturê nehatibin dîzaynkirin û tê de USB tunebin nayên nirxandin.
* Divê li ser dosyeyê yan li ser USByê nav, nîşan, mexlas hwd. ku xwediyê berhemê bide nasîn tunebe.
* Helbestvanên ku beşdarî pêşbirkê bibin dê kurtejiyan, navnîşan, telefon û e-maila xwe di nav zerfeke devgirtî de rêbikin.
* Encama pêşbirkê dê di 15’ê gulana 2021’an de, yanê Roja Cejna Zimanê Kurdî bê aşkerakirin û dîrok û cihê merasîma xelatdanê dê paşê bê ragihandin.
Divê dosye bi kargo yan jî bi posteyê, bo vê navnîşanê werin rêkirin:
Pêşbirka helbestê ya Arjen Arî
Yenîşehîr Mah. Alî Emîrî 7. Sokak Karacadag Apt. Kat:1 Daîre:7 Yenîşehîr/Diyarbakir (poste divê li ser navê Buroya Amedê ya Rojnameya Evrenselê be)
* Serlêdanên rû bi rû nayên qebûlkirin.
* Dosyeyên ku bo pêşbirkê bêne rêkirin li xwediyên wan nayêne vegerandin.
* Endamên lijneya pêşbirka helbestê ya Arjen Arî, dê piştî encamê bizanin ka xwediyê berhemên ku dengê xwe dane wan kî ne.
* Di 1’ê nîsana 2021’an de serlêdan bi dawî dibin. AMED
