Serlêdana ji bo hevdîtinê ya malbata Rêberê Gelê Kurd Abdullah Ocalan û malbatên girtiyên din careke din ji aliyê Serdozgeriya Komarê ya Bûrysayê ve hat redkirin
Birayê Rêberê Gelê Kurd Abdullah Ocalan, Mehmet Ocalan û vasiyê wî Mazlûm Dînç bi rêya parêzerên xwe ji bo ku biçin Îmraliyê û bi Ocalan re hevdîtin pêk bînin, serî li Serdozgeriya Komarê ya Bûrysayê dan. Serlêdana wan ji aliyê serdozgeriyê ve hat redkirin.
Her wiha serlêdana birayê girtî Hamîlî Yildirim, Polat Yildirim, birayê girtî Omer Hayrî Konar, Alî Konar û xwişka girtî Veysel Aktaş, Sabîha Aslan ku bi rêya parêzerên xwe kirin jî ji aliyê serdozgeriyê ve hat redkirin.
Serdozgerî serlêdanan bi hinceta sînordarkirinên têkildarî hukumxwaran ku di qanûna hejmara 5275’an a têkildarî înfaza tedbîrên ceza û ewlehiyê de cih digire, red kir.
Birayê Ocalan, Mehmet Ocalan piştî hevdîtina xwe ya di 11’ê îlona 2016’an de herî dawî di 12’ê çileyê de de bi Ocalan re hevdîtin pêk anîbû. STENBOL
