Goreyê ercnayîşê Firmaya Oxford Economicsî badê ke robotî bikewî kargehan do hûmara betalan zêde biba. Serra 2000î de 1.7 mîlyon kesî robotan vera bêtal mendî. Do serra 2030î de zî robotan vera do hûmara betalî biresa 20 mîlyon kesan
Goreyê ercnayîşê Firmaya Oxford Economicsî ke Îngilistan de yo, do mîyanê 11 serran de raşteyê berardişî de tewr kêm 20 mîlyon kesî betal bimanî. Sewbîna kesê ke betal bimanî do nêeşkî raşteyê xizmetî de zî bixebetî. Goreyê ercnayîşanê Firmaya Oxford Economicsî fîrmayê ke robotan virazenî do bibî sebebê betalî. Fîrma veng daye cayanê eleqedaran ke vera betalî de tedbîran bigêrî.
Sewbîna ercnayîşan de ame vatene ke do kesê ke karanê tewr zehmet û xiraban de xebetîyenî rewşe ra zêde tesîr bibî. Çimkî karsazî do herinda karkeran de robotan bi ca bikerî. Ame vatene ke serra 2000î ra heta ewro 1.7 mîlyon kesî seba ke kargehan de robotî xebetîyenî, betal mendî. 400 hezar kesî Ewropa de, 260 hezar kesî Amerîka de û 550 hezar kesî zî Çînî de betal mendî. Goreyê dayeyan do serra 2030î de êdî robotî karê 14 mîlyon kesan bikerî.
