Serê hêrişê dewleta tirkan û komê girêdayeyê aye yê 20ê Çeleyê 2018î ra 6 serrî derbaz bî. Roja ke hêriş destpêkerdî ra heta nika sucê giran yê merdimîye herême de pê ameyî. Merdim ameyî qetilkerdiş, ameyî destbendkerdiş, tepiştiş, hêrişê înan ame kerdiş, bi des hezaran merdim ca û wareyanê xo ra ameyî kerdiş. Bi hezaran cinî raştê tecawuzî ameyî. Tewr peynî seba di cinîyan qerarê îdamî ameybî dayîş. Sewbîna xeylê kes ameyî remnayîş û keyeyê înan ra fidye ameybî waştiş. keyeyê ke nêeşkayî fidye bidî tutê înan ameyî qetilkerdiş.
Goreyê çimeyanê herêmî prosesê 6 serran ê îşxalkerdişê Efrînî de 706 kes ameyî qetilkerdiş, hezar û 200 cinî û 600 tutî zî mîyan de 9 hezarî ra zêde sivîlî hetê komê girêdayeyê dewleta tirkan ra ameyî remnayîş. Bi taybetî deme peyênan de komê girêdayeyê dewleta tirkan dîmenê îşkenceyî ke bi kurdê Efrînî kerdêne serê keyepelê xo yê medyaya dîjîtale de pare kenê.
Derheqê serrgêra 6ine ya destpêkerdişê hêrişê serê Efrînî de Hacer Miho ya Efrînî qisey kerd. Kênaya Hacere zî eynî wext de Efrîn de dinyaya xo bedelnaye û Hacere kênaya xo pey de verda û mecbur mend ke Şehbaye de ca biba. Nika Hacere Şehbaye de bi hawayêkê qerardar têkoşînê xo yê cuye dewam kena û vana ke ma vera dewleta tirkan de sere çewt nêkenê.
‘Ma îradeyêke xurt vera tanq, top û teyareyanê şerî de nîşan da’
Hacer Mihoye ya Efrînî serrgêra 6ine ya destpêkerdişê hêrişê serê Efrînî de da zanayîş ke hemwelatijê Efrînî bi îradeyê xo yê gird xoverdayîşê xo yê vera tanq, top û teyareyan nîşan dayî û wina vat: “Ma o wext demêke sînor de bî û ma bi çimanê xo dî ke senî pirda tewr kehen yê Efrînî yê bi nameyê Heşarkê ameye hedefgirewtiş. Hêrişê vera tarîx, xoza û kesan ame kerdiş. Vera nê hêrişan de ma îradeyê xo teslîm nêkerd.”
‘Heta ke ma agêrê Efrînî zî no xoverdayîş do dewam bikero’
Hacere bale ant serê têkoşîn û şerê gird ke ameyî dayîş û wina dewam kerd: “Wextê şerê Efrînî de mi cayê xo Meclîsê Keyeyê Şehîdan de girewt û bi karê xo ma wayîrê şehîdanê xo vejîyenê. Vera îmkanê kêm û zehmetin, vera teyareyê şerî yê serê ma kêm nêbîyî zî xoverdayîşêk gird Efrîn de ame dayîş. Heta ke ma agêrê Efrînî do xoverdayîşê ma dewam bikero.”
‘Tena Efrîn de xoverdayîşê şarî est bî’
Hacere qala xoverdayîşê hemwelatijanê Efrînî zî kerd û vist vîr ke hemwelatijê Efrînî seba pawitişê herra xo bi deste xo tutanê xo şirawit cepheyê şerî û wina vat: “Ma Xoverdayîşê Seserrî de bi hezaran şehîdan defin kerd. Şehîdê her keyeyî est o. Keye bi xo tutanê xo şirawitêne şer. Tena Efrîn de xoverdayîşê şarî est bî. Vîşêrê Efrînî kes paştîdayîş nêda Efrînî.”
‘Gorê şehîdan xira kerdî’
Hacere eşkera kerd ke semedê bêîmkanî bi seyan pakrewanî mîyanê awanîyan de spernayê herre û wina vat: “Şero ke serê ma de amebî yew şero tewr giran bî. Ma bi xeylêk zehmetîyan pakrewanê xo goristinê Pakrewan Refîq ê Dewa Qaziqlî de defin kerdî. La semedê dewamkerdişê bombavaranê bi teyareyan ma mecbûr mendî ke ma goristanêk semedê pakrewanan zereyê Efrînî de awan bikerê, tenê semedê ma cangorîyanê xo serê rayîr û binê daran de nêverdê. Yew ê pakrewanan ra kênaya mi bî. Dima ra bi hovîtîya dewleta tirkan termê pakrewananê ma binê herre ra ame vetiş û ê goristanî xira kerdî. Bi nê reyde êdî esteyê pakrewananê ma zî vînîbîyaye yê.”
‘Em ê her tim ji bo vegera Efrînek azad têkoşîna xwe bidomînin’
Hacer herî dawî wiha got:” Em ê bi berxwedana xwe xwedî li keda ji bo Efrînê û têkoşîna ku li Efrînê hat kirin, derkevin. Me 57 rojan li berxwe dan. Ger em 57 salan jî ji Efrînê dûr bin jî em ê dîsa jî li berxwe bidin. Em bi carekê bê vîn, hêvî û hêz namînin. Em ê her tim ji bo vegera Efrînek azad têkoşîna xwe bidomînin.” ŞEHBA
