Navenda Ragihandinê ya Meclisa Leşkerî ya Minbicê bi daxuyaniyekê ragihand ku şervanên meclisê hewldana çeteyên artêşa tirk a dagirker a ketina gundên li bakurê rojhilatê kantonê, têk biriye.
Di daxuyaniyê de ev agahî hatin parvekirin: “Çeteyên dewleta tirk a dagirker vê sibehê saet 03.00’an hewl da bikevin gundên Cat û Ewn Dadat ên li bakurê rojhilatê kantona Minbicê. Şervanên Meclisa Leşkerî ya Minbicê bersiva çeteyan da û hewldana wan têk bir. Di encamê de hejmarek çete hatin kuştin û yên din neçar man birevin.”
