Hêzên dagirker ên dewleta tirk û çeteyên wê gundê Qizilî û gundên li derdora Girê Spî topbaran kirin. Li ser bersivdayîna şervanan jî 8 dagirker hatin kuştin û gundê El Erîdiyê yê Eyn Îsayê jî hate rizgarkirin
Dewlet tirk a dagirker û çeteyên wê yên El Nusra, DAIŞ û OSO’yê şevê din saet derdora 11.00’an ve bi çekên giran êrîşî gundê Qizilî û gundên derdora Girê Spî dikin. Li hemberî van êrîşan jî şervanên Hêzên Sûriyeya Demokratîk (HSD) di çarçoveya mafê xweparastinê de bersivên tund dan dagirkeran.
Çavkaniyên ji herêmê da zanîn ku li hemberî êrîşên bi obus û hewanan ên hêzên dagirker, şervanên HSD’ê jî bersivên tund dan. Hat zanîn ku di encama topbarana hêzên dagirker de zirarên madî li herêmê çêbûn.
Li gorî agahiyan, li ser bersivdayîna şervanên HSD’ê jî 8 çete hatin kuştin û seyareyeke çeteyan hate teqandin. Di heman demê de şervanên HSD’ê gundê El Erîdiyê yê li bakurê Eyn Îsayê jî ji çeteyan paqij kir. GIRÊ SPÎ
