Şervanên HSD’ê yên li gundewarên Kobanê 4 qereqolên dewleta tirk hedef girtin. Di encama çalakiyan de herî kêm 2 çete hatin kuştin û birîndarên hêzên dagirker çêbûn
Şervanên Hêzên Sûriyeya Demokratîk (HSD) çalakiyên xwe yên li dijî hêzên dagirker ên dewleta tirk û çeteyên wê li seranserî sînorê rojavayê Kurdistanê berdewam dikin.
Di vê çarçoveyê de şervanan erebeyek, mewziyek û qereqoleke li hemberî gundê Gultepe yê li rojhilatê bajarê Kobanê çalakî pêk anî. Di encama çalakiyê de kuştî û birîndarên dagirkeran çêbûn lê hejmar nehate zelalkirin. Piştî çalakiyê, du erebeyên ambulansê hatin qereqolê û kuştî û birîndarên dagirkeran rakirin.
Di heman demê de li hemberî gundê Qeremoxê yê li rojhilatê Kobanê jî şervanan Ii qereqola artêşa dagirker xistin. Hat zanîn ku di encama çalakiyê de kuştî û birîndarên dagirkeran çêbûn.
Şervanan her wiha qereqola li hemberî gundê Elîşar ê li rojhilatê bajarê Kobanê bi çalakiyeke sûîqestê hedef girt. Di encama çalakiyê de çeteyek hate kuştin. Di heman demê de, şervanên HSD’ê qereqola li hemberî gundê Bersinmilê yê Kobanê jî hedef girt. Di çalakiya şervanan de çeteyek hate kuştin. KOBANÊ
