Şervanên HSD’ê li dijî leşkerên tirk û çeteyên wê yên êrîşî gundên Aliya û Erbeîn ên Til Temirê dikirin, çalakî pêk anîn. Di çalakiyê de 3 wesayîtên doçkabarkirî, 4 wesayîtên veguhestinê û panzêrek hate rûxandin
Berxwedana Rûmetê ya şervanên Hêzên Sûriyeya Demokratîk (HSD) û gelê rojavayê Kurdistanê ya li dijî hêzên artêşa tirk a dagirker û komên wê yên çete bi hemû hêza xwe didome. Şervanên HSD’ê li gelek deveran derbên giran li hêzên dagirker dixin.
Li gorî agahiyên ji herêmê, artêşa tirk û çeteyên wê bi konvoyeke mezin êrîşî gundên Aliya û Erbeîn ên ku bi 20 km’yan li rojavayê Til Temirê dikevin, kir. Şervanan jî li dijî vê konvoya leşkerî çalakî pêk anî. Hat zanîn ku di encama çalakiya şervanan de êrîşa dagirkeran hate şikandin û şervanan 3 wesayîtên doçkabarkirî, 4 wesayîtên veguhestinan leşkeran û panzêrek rûxandin. Çavkaniyan da zanîn ku di çalakiyê de gelek leşker û çete hatin kuştin û gelek jî birîndar bûn.
Çavkaniyan bi lêv kir ku piştî çalakiyê balafirên keşfê yên artêşa tirk a dagirker tevî balafirên şer li asîmanê her du gundên Aliya û Eebeînê firiyan. Balafir niha derdora van gundan bombebaran dikin. TIL TEMIR
