Yewîya Pawitişê Cinîyan (YPJ) bi çekanê giranan verba hêrişê dagirkerî yê tirkî û çeteyanê ci çalakîyêk viraşte. Netîceyê çalakîye de xeylî îşxalkarî ameyî kiştene
Merkezê Îrtîbatî yê Yewîya Pawitişê Cinîyan (YPJ) bi eşkerayîyêk parbe kerd ke hêzanê înan Serêkanîye de verba dagirkiya dewleta tirkî bi çekanê giranan çalakîyêk viraşte.
Eşkerayîye de ame vatene: “Hemleya Cengê Rojhelatî şaristanê Serêkanîyê de roja şeşine de bi xoverdayîşêko tarîxî dewam kena. Cepheyanê rojhelat û rojawanî yê şaristanî de, xeta sînorî de bi xo zî şer zaf çetin qewimîyeno. Şervanî bi fedakarîye û mêrxasîyêka pîle cewab danê hêrişanê artêşa tirkî ya îşxalkare.”
Eşkerayîye de ame parbekerdene ke şervananê YPJ U HSDyî verba komanê çeteyan û leşkeranê artêşa tirkî ya îşxalkare ewro saete 11.30î de bi çekanê giranan çalakîyêka viraşte. Goreyê eşkerayîye dagirkeran ra zafê kişte û birîndarî estî, la hûmara înan nêameye tesbîtkerdene.
Merkezê Îrtîbatî yê YPJyî derheqê babete de dîmenê çalakîye weşana. https://anfkirmancki.com/rojawan-sUrIye/Servanane-ypj-yi-bi-cekane-giranan-da-isxalkaran-ro-6592
SERÊKANÎYÊ
