Li cihê guleya yekem a raperîna başûrê Kurdistanê ya li dijî rejîma Baas a Iraqê hatî teqandin, di 28’emîn salvegera raperînê de gelê başûrê Kurdistanê yê berxwedêr û şervanên HSD’ê yên bi destê wan dawî li DAIŞ’ê tên hatin silav kirin
Li navçeya Ranya ya navenda Îdareya Raperîn li Deriyê Raperînê ku cara yekemîn Elî Nebî li dijî rejîma Baas guleya yekemîn teqan û raperînê destpê kir, merasîma bîranîna 28’emîn salvegera raperînê destpê kir. Piştre li Bîrdariya Raperînê merasîmê berdewam kir.
Di merasîmê de gelek welatî, palamenter û rêveber û nûnerên hikûmet û partiyan amade bûn. Di destpêka merasîmê de Qeymeqamê Ranya Hisên Mehmûd axivî û wiha got: “Li Ranya yekem meşaleya azadiyê pê ket û tevahiya Herêma Kurdistanê belav bû. Vê raperînê wiha kir ku rejîma dîktator a Baasê bişkê, lê mixabin raperînê nekarî, xewn û xeyalên xelkê Herêma Kurdistanê bi cih bîne.”
Piştre Berpirsê Îdareya Raperînê Hîwa Qerenî axivî û gelê başûrê Kurdistanê ku rojekî dîrokî tomar kirin û şervanên HSD’ê yên ku dawiya DAIŞ’ê tînin silav kir.
Wê bîranan raperîna bi çalakiyên cûda yên weke, werzîş, hunerî û jîngehî berdewam bike. RANYA
