Şervanên Meclisa Leşkerî ya Minbicê dan zanîn ku li dijî her cure êrîşan amade ne. Şervanan diyar kir ku dê destûrê nedin dagirkeran ku bikevin axa wan
Di eniyên bajarê Minbicê û gundewarên wê şervan li dijî îxtîmaleke her êrîşekê, amadekariyên xwe dikin. Lê herêm niha bêdeng e. Şervanan ji noqteyên xwe ragihandin ku ew amade ne li hemberî her êrîşekê bisekinin.
Der barê mijarê de ji şervanên Meclisa Leşkerî ya Minbicê Mehmûd Reş anî ziman ku ew niha li eniyên pêş a Tuxar, El Hoşeriye û El Casûr in. Reş diyar kir ku ew amade ne li hemberî her êrîşekê ji hêla artêşa tirk a dagirker û komên girêdayî wê ve bisekinin.
Şervanê bi navê Mihemed Elî jî anî ziman ku ew li eniyên pêş in û dê cihên xwe bernedin. Elî got ku dê bajarê xwe ji her êrîşekê biparêzin. Şervanê bi navê Ebdulcelîl Mehmûd jî bi lêv kir ku ev ax bi saya xwîna şehîdan rizgar bûye û dê nehêlin tu kes êrîş bike û komkujiyan lê bike. MINBIC
