Li çiyayê Cûdî ji ber sedemekî nediyar agir bi daristanê ket. Ji bo vemirandina şewatê heta niha tu hewldan nehatine kirin û şewat her ku diçe berfirehtir dibe
Li qada çiyayê Cûdî yê Şirnexê agir bi daristanê ket û daristan dişewite. Agirê bi daristanê ket her ku diçe jî berfirehtir dibe. Agirê ku bi daristanê ketî, ji gelek aliyan ve û ji dûr ve jî tê dîtin.
Hat zanîn ku ji bo vemirandina agir heta niha tu mudaxale nehatine kirin. Hin çavkaniyan diyar kirin ku ji ber li herêmê operasyona leşkerî heye, agir bi daristanê ketiye. Hin çavkaniyan jî destnîşan kir ku şewat ji ber kesên ku çûne seyranê derketiye.
Şewata li çiyayê Cûdî hê jî didome û her ku diçe jî berfirehtir dibe. ŞIRNEX
