Duh di saetên serê sibehê de li gundên Gom û Bamitnî yên girêdayî navçeya Lice ya Amedê şewat dest pê kiribû. Ji ber ku mudaxileyeke baş nehat kirin, şewat demek piştre heta gundê Antaxê berbelav bû. Piştî mudaxileya şêniyên gund û komên agirkujiyê, ber bi saetên serê sibehê ve hatibû vemirandin.
Lê belê hat zanîn ku şewata li gundê Bamitniyê dîsa dest pê kiriye. Şêniyên gund dîmen kişandin û di dîmenan de tê dîtin ku dû ji daristanên gund bilind dibe. Gundiyan got ku şewat saetek berê dest pê kiriye lê rayedaran tu mudaxile nekirine.
