Qezaya Şaxê ya Wanî de 11ê êlule de Osman Şiban û Servet Turgutî netîceyê sereştişê dewe de ameybî tepiştene û badê îşkence helîkopterî ra erzîyabî war. Raporê nêweşxaneyî de zî ame tesdîqkerdene ke di hemwelatijî helîkopterî ra erzîyayî war. Şiban keyeyê xo yê Mersînî de Ajansê Mezopotamya (MA) rê qissey kerd.
Şiban qiseykerdişê xo de vat ke derheqê roja ke ameyo tepiştene de tu çîyêk nîno vîrê ci û wina va: “Ez hema baş nêbîya. Bedenê mi dejeno. Yew saet wirzena, yew saet kewena. Derheqê aye roje de tu çîyêk nîno mi vîr.” MERSÎN
