Silêmanî de ciwano bi nameyê Memduh Ozdemîr, vera tecrîdkerdişê Rayberê Şarê Kurdî Abdullah Ocalanî dest bi rojeyê mergî kerd
Ciwano bi nameyê Memduh Ozdemîro Colemêrgij seba ke tecrîdê serê Rayberê Şarê Kurdî Abdullah Ocalanî bêro wedaritene, Silêmanî de bi dayîşê eşkerayîya çapemenîye dest bi rojeyê mergî kerd.
Temsîlkarê PYD, Têgêrayîşê Azadîye, RJAK, Cepheyê Şarî yo Demokratîk, Têgêrayîşê Cawanan ê Welatperweranî tewrê eşkerayîya çapemenîye bîyî.
‘Bedelê ci çi beno wa bibo ma do tecrîdî bişiknê’
Eşkerayîya Ozdemîrî wina ya:
“Seba wedaritişê tecrîdê serê Rayberê ma serkêşîya Hemsereka KCDyî û parlamentera HDPyî ya Colemêrgî Leyla Guvene şeş mengî verê cû xoverdayîşêk ame destpêkerdene. No xoverdayîş çar parçeyanê Kurdistanî de û welatanê teberî de bi vila. Hevalê ma yê ke zîndanan de yê sere de nê xoverdayîşî de ca girewt. Zindanan de 30 hevalan bi rojeyê mergî no xoverdayîş resna merheleya newîye. Xoverdayîşî dewleta TCyî berde linganê Rayberîye labelê tecrîd hîna nêameyo şiknayene. Ez dana pêhesnayene ke ewro ra tepîya Silêmanî de bi destpêkerdiş rojeyê mergî ez do tewrê na çalakîye biba. Bedelê ci çi beno wa bibo ma do tecrîdî bişiknê. Ma do Rayber Apoyî azad bikerê.” SILÊMANÎ
