Bajarekê Tilqebînî yê qezaya Silopî ya Şirmexî de vera hêrişanê pê çekanê kîmyewîyan yê dewleta tirke yê vera Gerîlayanê Azadîye yê Kurdistanî Rayraşîyayîşê Merdimîye yeno kerdene.
Rayraşîyayîşo ke hetê Partîya Demokratîke ya Şaran (HDP), Partîya Herêmê Demokratîkî (DBP), Tevgerê Cinîyanê Azadan (TJA), Kongreya Komela Demokratîke (KCD), MED TUHAD-FED, MEBYA-DER, MKM, Platformê Barkerdişî û Têgêrayîşê Ekelojî yê Mezopotamya ra yeno kerdene bi hezaran kesî tewrê ci bîyî. Rixmê heme astenkerdişan şar pê slogana “Bijî berxwedana Zapê” rayra şino.
Verê despêkerdişê rayraşîyayîşî heme rayîrê ke şinê Berê Sînorî yê Xabûrî hetê bi seyan leşker û polîsan ra ameyî girewtene. Hemserekê Pêroyî yê DBPyî Salîha Aydenîz û Keskîn Bayindir zî tede bi hezaran kesî nuqtayanê cîya cîyayan de ameyî têhet ver bi banê HDPyî yê Tilqebanî kewtî rayîr. Bi seyan kesanê ke astengî nas nêkerdî dere qilan ra resayî Tilqebînî.
Leşkeran pê awa tazîqîn û bombayanê gazî hêrişê şarî kerd. Rixmê nê şar vila nêbi û rayraşîyîş bi tewrbîyayîşê seyan kesanê bînan dest pê kerd. Bi hezaran pê slogananê Bijî Serok Apo”, “Bijî berxwedana Zapê”, “PKK şar o, şar tîya de yo ” û “Bijî berxwedana gerilla” dest pê rayraşîyayîşî kerd. Leşkeran hêriş kerd. Şar rayîr trafîqî rê birna û reyna kuçeyan ra vila bi.
