Dima ke vera şarê Şingalî artêşa Iraqî hêrişê xo zêdînayî şingalijan rayraşîyayîşêk organîze kerd. Xeylêk dewan ra êzidîyî saetanê serê sibayî de resayî Şingalî. Goreyê saeta herêmîye 12.00 de bi hezaran kesan bi beyraqanê Asayîşê Êzidxanî ver bi merkezê bajarî dest pê rayraşîyayîşî kerd.
Verê rayraşîyayîşî xeylêk nûqtayan de hetê hêzanê Iraqî ra astenkerdişî vejîyayî. Têmîyankewitşê dewa Tilizêrê de sîvîlêk birîndar bi û şar rixmê nayî rayraşîyayîşê xo rê dewam kerd.
Çarçewa pêkerdişêkê mabênê Baxdad û Hewlêrî de bi mengan o Şingal reyna yeno hedef kerdene.
Tewr peynî de hukmatê merkezî yê Iraqî waşt bi ke wa Hêzê Pawitişî yê Şingalî zereyê 24 saetan de bajarî ra vejîyê. Meclîsê Xoserîya Demokratîke ya Şingalî roja çarşemeyî badê kombîyayîşêk waştişê înan red kerd. ŞINGAL
