Şiwano bi nameyê Turan Cingozî qezaya Aldûşî ya Semsûrî de bi hawayo tesadufî fosîlê kestaneyêbehrî ke yeno texmînkerdene yê 85 mîlyon serrî verî yo, dî
Şiwano bi nameyê Turan Cingozî (38) qezaya Aldûşî ya Semsûrî de wexto ke heywananê xo çerênayêne dewa nizdîyê qezaya Aldûşî de kerrayê gilover ke manenê hakan dî û bala ci antî. Dima ra medyaya komelkî de fotografanê înan pare kerd. Xebatkarê Mudirîya Muze yê Semsûrî fotografan dîyî û Cingozî reyde kewtî têkilî. Xebatkarî cayê kerrayan de cigêrayîş kerdî û tesdîq kerdî ke nê kerrayî eslê xo de fosîlê kestaneyêbehrî ke yeno texmînkerdene yê 85 mîlyon serrî verî yo, yî.
Mudirê Muze Mehmet Alkan da zanayene ke yeno texmînkerdene ke nê fosîlê aîdê kestaneyêbehrî û aîdê prosesê Kretase yî. SEMSÛR
