Mela Îsmaîl Tûsuranî diyar kir ku sîxûrî û xiyanetkar ji rehma xwedê bêpar in û got ku her kesekî ku rê nîşanî dijmin bide, dibe şirîk. Mela Îsmaîl hêvî kir ku kesên ku li gel djimin û dagirkerên Kurdistanê ne vegerin li ser riya rast
Mela Îsmaîl Tûsuranî yê li mizgefta gundê Tûsoranî yê bajaroka Sengeserê melatiyê dike ji Rojnewsê re li ser dagirkerî, neheqiya li ser Kurd û Kurdisanê axivî û bal kişand li ser xiyanet, sîxûrî û bi navê îslamê dijmintîkirina gelan din dikin.
Mela Îsmaîl Tûsuranî di destpêka axaftina xwe de bi gotinek ya Hizretê Mihemed a ‘Wê serdemekê komek zalim û sitemkar werin li ser kar. Her kesek li pey derewkaran bikevin û rastiyan berevajî bikin, bêjin ‘mast reşe, tujî bêjî reşe’ tu peywendî bi ola îslamê ve nîne. Ola Îslamê ya pîroz ji van karan dûre.’ dest bi axaftina xwe kir.
Mela Îsmaîl Tûsuranî bal kişand li ser daxwazî û têkoşîna gelê kurd a ji bo bi destxistina mafê xwe û got ku di warê olê îslamê de rewaye û diyar kir ku dijminên kurdan bi navê misilmantiyê Quranê di destê xwe digirin û li derdora mala xwe digerin lê peyam û bernameya kûfrê li ser gelê kurd pêk tînin û wiha got: “Ev kesane li gel quranê derewan dikin. Ola îslamê ji bo berjewendiyên xwe bi kar tînin.”
Mela Îsmaîl Tûsuranî bal kişand li ser diyardeya ‘Sîxûrî û xiyanetê’ ku di nava kurdan de pêş dikeve û wiha domand: “Cihê sîxûrî û xiyanetê li gel Xwedayê mezin nîne. Çi kesekî misilman were kirin çi li kesek bê îmam, wê ji rehma Xwedayê mezin bêpar bimîne. Her kesekî ku rê nîşanî dijmin bike, ew kes jî dibe şirîk.”
Mela Îsmaîl Tûsuranî aşkera kir ku gelê kurd li ser xaka xwe ye û tu xedir bi kes û welatekê nekiriye û wiha got:”Dagirkerên Kurdistanê xedirê li gelê kurdê dikine. Xaka me dagir dikin. Ev gel jî li pey mafê xwe ye. Xwedeyê mezin kurd çêkirine. Maf, ziman û çanda taybet dayiyê. Wê çarenûsa wan kesên ku dijmintiya gelê kurd dike û stem dike weke ya Seddam Hisên be. Hêvî dikin ku ew kesên ku îro li gel dijminin û destê xwe xistine destê dijmin de û hevkariya dagirkeran dikin vegerin li ser riya rast û li gel aliyên Kurdistanî bibin yek.” RANYA
