Partiya Tevgera Kedê (EHP) bi daxuyaniyek nivîskî ragihand ku sîxurtî li endamek wan hatiye ferzkirin û gef lê hatine xwarin. EHP diyar kir ku Qeymeqamiya Beygoglûya Stenbolê bi telefonê li endamê wan geriyaye û bi hinceta ‘Ji Qeymeqamiyê ji bo we alîkarî derketiye’ û bangî wî kirine. EHP da zanîn ku endamê wan ji aliyê du kesên ji avahiya qeymeqamiyê derketine ve birine cihek din û her du kesan xwe wek endamên ‘îstîhbaratê’ dane nasîn. EHP got van her du kesan beramberî pereyan teklîfa sîxurtiyê li endamê wan kirine û xwestine derbarê partiya xwe de agahî bide wan û da zanîn ku ew van sepanan qebûl nakin, ne hiqûqî ne û ew ê derbarê mijarê de gilî bikin. STENBOL
