Partîya Herêmê Demokratîkî (DBP) û Kongreya Komelê Demokratîkî (DTK) û Partîya Demokratîke ya Şaran (HDP) Çimeyanê Munzurî yê qezaya Pulurî de derheqê projeyê peyzajî de qisey kerd. Hemserekê DTKyî Berdan Ozturkî, Hemsereka Pêroyî ya DBPyî Salîha Aydenîz, Hetkarê Hemserekê Pêroyî yê HDPyî Alîcan Onlu, wekîla Amedî Semra Guzelû heyetê Rêxistina HDPyî ya Dêrsimî zî tewrê eşkerayîye bîyî.
Salîha Aydenîz bale ante Terteleyê Dêrsimî yê 1938î ser û vat: ”Şarê Dêrsimî vera polîtîkayanê asîmîlasyonî sereyê xo nêard war. Ewro zî wazenê ke xoza qetil bikerê. No dewamê hîşmendîya faşîste ya îqtîdar û DAIŞî yo. Senî ke verê cû dêrsimijî çok nêşîyê erdî ro ewro zî do nêşorê. Dêrsim de hîşmendîya DAIŞî yena caardene. Ma do çîyo ke dêrsimijî qebul nêkenê do nêkerê. Elewîyî çita wazenê wa aye bikerê. Ma hetê şarê Dêrsimî de yê. Ganî vera bawerî û erjanê şarê Dêrsimî her kes hûrmet bimojno. Ma do vera qirkerdişan bêveng nêmanê. ” DÊRSIM
