Hewteyê vîyarteyî de Hemşaredarê Qersî Ayhan Bîlgen zî tede bi desan HDPyîjî ameybî destbendkerdene. Roja dişemetî zî Walîtîya Qersî şaristan de ‘qedexeyê çalakî û aktîvîteyan’ ê 15 rojan îlan kerd.
Qedexeyî ra dima dekewtiş û vejîyayîşê şaristanî ame girewtene. Hemsereka HDPyî Pervîn Buldane do Qers zîyaret bikerdêne. Destûr nêame dayene ke kesê ke waştêne tewrê zîyaretî bibê dekewê şaristanî.
Hemşaredara Qersî Songul Korkmaze zî dekewtişê şaristanî de bi seatan ameye vindarnayene. Songul Korkmaze vera rewşe nêrazîbîyayîşê xo mojna. QERS
