Endama Konseya Hemserekîya Pêroyî ya KCKyî Sozdar Avesta bi wesîleya serrgêra Komployê Mîyanneteweyîyî ANFyî rê qisey kerd.
Aveste vîst vîrî ke demêko muhîm û stratejîk yeno ciwîyayene û vat: ”Herême de Kaos est o, Şerê Dinya yê Hîreyinî yeno ciwîyayene. Bitaybetî Vakurê Kurdîstanî de şer dewam keno. Ganî bi ameyîşê wisarî hazîrîya hemleyanê neweyan bêro kerdene. Gerîlayanê Azadîye emser Zap, Metîna û Xakurkê de çalakîyê xurtî kerdî. Seba ke esmer zî serkewtişê pîlê bêrê destfînayene hazirîye yena kerdene. Ma dormeyê gerîlayan de bêro têhet û têkoşînî xurtêr bikerê. Gerîlayê Azadîye xeta paradîgmaya Rayber Apoyî têkoşîn kenê û hêrişê vera Rayber Apoyî Têgêrayîşê Azadîye yê Kurdîstanî betal kenê. Senî ke 15ê Sibata 1999î de bi hezaran ciwanê kurd û enternasyolastî tewrê refanê gerîlayan bîyî ganî nê dewrî de tam wina bibo.
Serrgêra koployî de ganî têkoşîn bêro xurtkerdene. Semedê protestokerdişê komployî çalakîyî yenê kerdene. Kurdîstan û Ewropa de bi rojano rayraşîyayîş yenê kerdene. 17ê sibate de bajarê Kolnî yê Almanya de do rayraşîyayîşo pîl bêro kerdene. Bitaybetî çalakîya Almanya muhîm a. Ganî bi mîlyonan kesî tewrê çalakîya Kolnî bibê. Sere de cinî û ciwanî ma veng danê şar û dostanê xo ke wa tewrê nê rayraşîyayîşî bibê.
Vakur de zî heta ke rayraşîyayîş biresê hedefê xo ganî şarê ma payan ser bo, wayîrê Rayber Apoyî û xoverdayîşê zîndanan bivejîyo. Mifteyê çareserî Vakurkê Kurdîstanî de yo. Bi têkoşînê ke serkêşîya ci Vakur kena, faşîzm eşkeno bin bikewo. Ez reyna veng dana, nê 15ê Sibate de cuye vindarnê.Vakur, Rojawan û Başûr de heme waran de ganî vera komployî tewir bêro girewtene. Têkoşînê ma do miheqeq Rayber Apoyî biresnê azadîya ci ya fîzîkîye.”
