Gerîlayê HPGyî Abdullah Ayguno ke cenazeya ci Stenbol de qe yew camî qebûl nêkerde, cemxane de wecîbeyê ci yê dînî ameyî bicaardene û Goristanê Gazî de ame definkerdene
Stenbol de camîyan cenazeya gerîlayê HPGyî Abdullah Aygunî qebûl nêkerde. Keyeyî cenazeya xo berde cemxane. Gerîlayê HPGyî Abdullah Ayguno ke 4ê Çile de Îdir de şehît kewt, cenazeya ci hetê merdimanê ci ra ameye berdene bi Stenbolî. Mehlaya Gazî ya qezaya Sultangazî de ame waştene ke wecîbeyê dînî yê ey berî bicaardene. La mehla de qe yew camî cenazeya Aygunî qebûl nêkerde. Naye ser a keyeyê Aygunî cenazeya xo berde Cemxaneyê Gazî.
Dimayo ke wecîbeyê dînî ameyî bicaardene, keyeyî waşt ke cenazeya xo Goristanê Gazî de defin bikero, la polîsan destûr nêda. Polîsan zext kerd ke cenaze wa şew ya zî şodir de bêro definkerdene. Cenazeya Aygunî saetanê rewî yê sibayî de Goristanê Gazî de ameye definkerdene. STENBOL – ANF
