Serrgêra 41. ya qirkerdişê Mereşî bena nêzdîye. Qezaya Sultangazî ya Stenbolî de keyeyê elewîyan ameyî nîşankerdene û mesajê gefî ameyî dayene
Goreyê xeberanê ke ameyî destvistene taxa 75. Yilî ya qezaya Sultangazî ya Stenbolî de apartmana bi des daîreyan de ke tede 3 keyeyê elewîyan ciwîyenî dêsê înan ameyî nîşankerdene û nuşteyê ‘şima do bimirê’ ame nuştene.
Keyeyî nê gefî ra dima gêrayî polîsan û rewşe pare kerde. Polîsanê ke ameyî cayê serebûtî cigêrayîşê rêçê engiştan kerd. Hewteyanê peyênan de hêrişê winasênê ke elewîyan kenê hedef bîyî zêde. Hêrişo tewr peyêne hewteyê serrgêra 41. a Qirkerdişê Maraşî ya 19-26ê Kanuna 1978 de ame kerdene. STENBOL
