Badê îtîrazê AKPyî YSK qerar da ke Stenbol de rayê ke ameyî betalkerdene newe ra bêrî hûmartene. Parlamenterê CHPyî Sezgin Tanrikuluyî dîyar kerd ke goreyê peymeyanê YSKyî se ra 90ê rayanê ke ameyî betalkerdene newe ra ameyî hûmartene û ferqê mabenê Ekrem Îmamoglu û Bînali Yildirimî 15 hezar û 823 raye yo
Weçînayîşê herêmî ke 31ê Adare de pê ame ser ra hewteyêk derbaz bî, labelê munaqeşe û îtîrazî hema zî dema kenî. Mazbatayê şaredarîyê ke HDP û CHPyî girewtî hema zî nêdîyayî. Taybetî cayê ke CHP û HDPyî şaredarîyan destê AKP û qayûman ra girewtî de îtîrazê AKPyî estî. Badê îtîrazê AKPyî YSK qerar da ke Stenbol de rayê ke ameyî betalkerdene newe ra bêrî hûmartene. Parlamenterê CHPyî Sezgin Tanrikuluyî dîyar kerd ke goreyê peymeyanê YSKyî se ra 90ê rayanê ke ameyî betalkerdene newe ra ameyî hûmartene û ferqê mabenê Ekrem Îmamoglu û Bînali Yildirimî 15 hezar û 823 raye yo. Tanrikuluyî ard ziwan ke goreyê peymeyanê YSKyî yê peynî heta nika Ekrem Îmamoglu 4 mîlyon û 171 hezar û 216 raye girewto û Binali Yildirimî zî 4 mîlyon û 155 hezar û 393 rayan girewto. STENBOL
